Камал Бердәулетов-100 жыл. «Өркениетке бастаған туған өлке» жобасы Аудандық кітапханада Сыр өңірінің ардақты ардагері, «Қызылорда облысының құрметті азаматы» бүгінгі егеменді еліміздің негізін қалауда аянбай тер төгіп халқына қызмет еткен соғыс және еңбек ардагері Бердәулетов Камал Әбдірашидұлының туғанына 100 жыл толуына орай «Нардың жүгін арқалаған тұлға» атты еске алу кеші ұйымдастырылды. Кешке Камал Бердәулетовтың тіршілігінде жақын білген, дидарласқан жандар Халықаралық «Қазақ тілі» қоғамы Жалағаш аудандық филиалының төрайымы Мирман Дина, қызметтес болған әріптесі Жақсымов Қапбар, Жалағаш аудандық қоғамдық даму бөлімінің әдіскері Ахетов Тұрақ Адисұлы, Жалағаш ауданының теолог маманы Байқабылов Арыстанбек және ұрпақтары қатысып аталары жәйлі естеліктерін айтып естеріне алды. Бүкіл ғұмырын аудан, облыс экономикасын дамытуға арнаған ардагер ағамыз өзінің білімімен, білігімен және салауатты, салиқалы, салмақты бейнесімен уақыт өткен сайын таудай болып тұлғана бермек. Адал жүректі азамат, аймақтың ардақтысы ардагер Камал Бердәулетовтың жарқын бейнесі оны білетіндердің жүрегінде мәңгі сақталады .

Аудандық кітапхананың ұйымдастыруымен Камал Бердәулетовтің 100 жыл толуына орай "Тұғыры биік тұлға" атты тарихи сағаты өткізілді. Бердәулетов Камал Аққыр совхозының негізін салушы, алғашқы қазығын қаққан ел басшысы.1923 жылы Жалағаш ауданында дүниеге келді.1942 жылы мектепті бітірген соң майданға аттанып,ауыр жарақаттан соң елге оралған.Камал Бердәулетовтің соғыстан кейінгі өмірі аудан, облыс халқының көз алдында,ел экономикасын нығайтуға шаруашылықтарды қайта қалпына келтіру жұмыстарына арнады.Колхоздарды ірілендіру,жаңадан шаруашылықтар құру,ауылшаруашылығы басқармалар басшылығы қызметтерін абыроймен атқарды.Камал Бердәулетов Қазақстан Журналистер Одағының мүшесі,"Іздегенге резерв көп","Ұрпағыма ұлағат","Ата жұрт","Бұқарбай батыр" және тағы басқа бірнеше кітаптардың авторы.Қызылорда облысының құрметті азаматы, бірнеше мемлекеттік наградалардың иесі, 12 жылға жуық Қызылорда облыстық ардагерлер кеңесінің төрағасы қызметін атқарды.    

           Аудандық кітапхана қызметкерлері Ш. Ермағанбетова атындағы №246 орта мектепке барып "Қаһарман қыз Хиуаз" атты Буккроссинг акциясын өткізді. "Оқы және өзгеге ұсын" қағидасына негізделген буккросинг Халық Қаһарманы Хиуаз Доспанованың туғанына 100 жылдығына арналады.

     Қазыбек би 355 жыл.     Қоғам және мемлекет қайраткері өзінің шешендік өнерімен елге танымал болған, көшпелі халықтың саяси өміріне белсенді түрде қатысқан қазақтың ұлы билерінің бірі, Қаз дауысты Қазыбек бидің ерлігін насихаттау мақсатында ұйымдастырылған "Қара қылды қақ жарған " атты ақпараттық шолуды ұсынамыз.

                                  Қоғам қайраткері, қазақстанның тұңғыш прокурор Сүлеймен Есқараев-125 жыл.      Сталиндік зұлмат жылдардың қанды тырнағынан құтылып кете алмаған, жұлдыздай жанып сөңген қазақтың асыл тұлғаларының бірі, Қазақстанның тұңғыш прокуроры Сүлеймен Есқараевтың 125 жылдығына орай ұйымдастырылған «Халқына қалаулы қайраткер» атты онлайн шолуды назарларыңызға ұсынамыз.

                                     1 желтоқсан – Тұңғыш Президент күніне орай аудандық кітапханада «Тұлға.Елбасы.Тарих» атты дөңгелек үстел ұйымдастырылды.Іс-шараға ішкі істер қызметкерлері қатыстырылып, Президент жолындағы әрбір жасаған қызметтері туралы ой-пікірлерімен бөлісті. «Елбасы жолы – жаңа тарих» атты кітап көрмесі қойылды. Билік тізгінін қолына ұстаған жылдардағы Президентіміздің жарқылдаған келбетін, биік болмысын, кемел дарынын, ел басшысы ретінде көсемдік қасиеттерін бүгінгі ұрпаққа түсіндіру.

                   ЖАС ОТАН ТӨРАҒАСЫ ЖАЛАҒАШ АУДАНДЫҚ КІТАПХАНАДА !!! Бүгін "Nur Otan” партиясы "Jas Otan” жастар қанатының төрағасы Е. Бейсенбаев іс сапармен Жалағаш ауданында болды. Алдымен Аудандық кітапхананың коворкинг орталығында данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының 175 жылдығына арналған "Қазақ халқының сөнбес жұлдызы" атты әдеби танымдық кеші болып өтті. Кеште ЖИАК студенттері дана ойшылдың қара сөздері мен өлеңдерін оқыса, ауданның мектептерінен келген мұғалімдер ақынның өмір жолы мен поэмаларын талқылады. Мақсаты: Ұлы ақынның өнегелі өмірінен үлгі алу, ақынның даналығын, рухани асыл - мұраларын насихаттап, өлеңдерін, әндерін мәнерлеп айтқызу.