Балалар жылы

Біз оқыған кітаптар

"Біз оқыған кітаптар" оқитын отбасы бенефисі.

Жалағаш аудандық балалар кітапханасында отбасы күніне отбасылық бенефис өткізілді.

Отбасымен кітап оқу - жас ұрпақтың талабын қанағаттандыру, рухани жан байлығы мен ой-өрісін дамыту, жоғары эстетикалық талап-талғамын қалыптастыруда ең үлкен де ұлы тәрбие құралы.

Адам баласының болмысы мен асыл қасиетін отбасы қалыптастыратынын білген халқымыз, отбасылық дәстүрдің, ұлттық тәрбиенің ұрпақтан-ұрпаққа үзілмей жетуіне ден қойған. Ата мен әженің өнегесінің бала болашағына әсері орасан зор екеніне әдебиетіміздегі, тарихымыздағы заңғар тұлғалардың бала шағы дәлел бола алады.

ЗЕРЕдей зерделі де ұлағатты әжеден аңыз-әңгіме мен жыр-дастанды тыңдап өскен бала АБАЙ дана АБАЙҒА айналды.

Ал, АЙҒАНЫМ әженің өнегелі, көргенді тәрбиесін алған ШОҚАН замандастарының алды болып, халқының маңдайына біткен жарық жұлдызына айналды.

Бала ЫБЫРАЙдың ұлағатты ұстаз, қазақтың дара ағартушысына айналу жолында атасы БАЛҒОЖА бидің сіңірген еңбегі орасан.

Отбасы құндылықтарын арттыру, баланың бойындағы оқырмандық мәдени тәрбиесі, көркем әдебиетке деген құштарлығын дамытуды мақсат тұтқан шараның кейіпкерлері Пірімжанов Көпешбай отбасынан Алтынкүл әже мен немересі Иманай, Райбек Болатбек отбасынан Болатбек мырза мен ұлы Алдияр қатысты. Екі отбасының мүшелері де кітапхананың ұзақ жылдан бергі тұрақты оқырмандары. Кітап оқу дәстүрін ұрпақтан-ұрпаққа сабақтастырған отбасы.

Оқырман отбасы құрметіне ұйымдастырылған шарада кітапқа қызығушылықтары, кітап оқуға жанашырлықпен атсалысуларын, ой-өресі биік, мәдениетті де парасатты жаңа буынды қалыптастырудағы өз ұстанымдары мен тәжірибелерімен қуана бөлісті. Балалар Алдияр мен Иманайдың оқыған кітаптарынан келтірілген үзінділерді тауып, оқымаған ертегі әңгімелерін шара кейіпкерлерінің өз баяндауларында тыңдады.

Шара соңында Алдияр мен Иманай балалар кітапханасының "ДАРА БАЛА" медалімен марапатталды.

P.S. Бірде Альберт Эйнштейінге "Балаларымызды қалай ақылды етуге болады?" деген сұрақ қойылыпты. Ғалым өз жауабын қысқа да нұсқа қайырған: "Егер сіз балаңыздың ақылды болғанын қаласаңыз оған ертегі оқыңыз. Егер одан да ақылдырақ болсын деп армандасаңыз, одан да көп ертегі оқыңыз", - деген екен...

Подробнее ...

Жеңіс - ерліктің дастаны

Болашақ ұрпаққа өнеге болар ерлік пен батырлықтың шежіресі болған Ұлы Жеңіс күніне оқырмандарға "Жеңіс - ерліктің дастаны" тақырыбында кітап көрмесі ұсынылды. Мақсаты жас оқырмандарды Отанын сүюге, оны қорғауға баулу, соғыс жылдарында Қазақстан халқының майданда көрсеткен еңбегін насихаттау, ардагерлерді ардақтау.

Подробнее ...

Дара бала

2022 Балалар жылында "Дара бала" жобасы аясында 9 мамыр - Жеңіс күніне өткізілетін "Қазақстандық батырлар портреті" байқауының мақсаты Отанға деген құрмет пен сүйіспеншілік сезімдерін ояту. Соғыс ардагерлерін құрметтеп, ардақтау. Қаһарман бабаларды үлгі тұту. Суреттеу арқылы балаларды шығармашылыққа баулу, өзіндік қабілетін қалыптастыру.

Подробнее ...

Кешкі кітапхана әлемі

23 сәуір- Бүкіләлемдік кітап және авторлық құқықты қорғау күніне, 2022 жыл-Балалар жылының ашылуына «Кешкі кітапхана әлемі» атты мәдени акциясы өткізілді. Мақсаты - кітапты насихаттау, кітап пен оқуға деген қызығушылықты қолдау, кітап оқуға тарту, өскелең ұрпақтың рухани-адамгершілік білімін арттыру, жастардың кітап оқуға, көркем әдебиетке деген құштарлығын ояту. Мерекелік шараны аудан әкімінің орынбасары Еспенбет Жасұлан Ерданұлы ашып, құттықтау сөз сөйледі. Мәдени акция қатысушыларына қызыққа толы бағдарламалар дайындалды. «Кел, досым кітапханаға» флеш-мобымен басталып, «Рамазан шапағаты», «Этноауыл», «Күй–керуен» «Мұрагер» домбыра үйірмесінің күй шашуы, спортшылар ауылы, «Ән салайық кел, достар!» караоке шоу, «Аква грим» сурет салу, «Кітапты таны да сыйыңды ал» сұрақтар ойыны, «Балалар әлемі» көрме иллюстрациясы, «Таңғажайып ертегі» атты ертегі шоу, «Қырық мысал» зияткерлік сайысы, «Қарақұрттар қақпасына» ойын-саяхат, «Рахмет саған кітапхана» тілек ағашына тілек жазуымен қорытындыланды. Іс-шараға демеушілік жасаған: «Балалар әлемі» дүкені иесі Раушан Әширбекова, «Қаракөз» сауда дүкені иесі Сәуле Ильясова, «Тәтті» наубайхана иесі Айгерім Гаюпова, «ИПАлдияр» иесі Айдана Әлмағанбет Жұматайқызы, «Айбибі» сауда дүкені иесі Жансая Шекерова, Шәймен Абдиев, Мехран Жолмырзаев, Ерболат Төлегенов, Қадырхан Әлібековтерге шын көңілмен алғыс білдіреміз.

Подробнее ...

Travel and tourism

фыф84 фыф85

Биылғы 2022 жыл "Балалар жылы" аясында, аудандық кітапханадағы "Еnglish club" үйірмесі "Travel and tourism" тақырыбындағы, мемлекеттік тулар және олардың тарихы туралы, ойын сабағы өтті. Мақсаты: іскерліктерін, дағдыларын және біліктіліктерін дамыту.

Подробнее ...

Балалар бағының бағбандары

фыф82 фыф83

Өскелең ұрпақтың үйлесімді дамуы мен бақытты балалық- бұл біздің жалпы ұлттық міндетіміз.

Қасым- Жомарт Тоқаев

Мемлекет басшысы Қасым- Жомарт Тоқаев жаңа барыс жылын "Балалар жылы" деп жариялады. Балалар жылына орай балалар әдебиеттерін насихаттау мақсатында Аққұм онлайн кітапханасында "Балаларға базарлық", "Балалар бағының бағбандары " атты кітап көрмелері ұйымдастырылып оқырмандарымызға таныстырылуда. Көрмеге балаларға арналған классик жазушылардың туындылары, халық ауыз әдебиеттері, балалар энциклопедиясы және бүлдіршіндерге арналған ертегі кітаптар қойылды. Мақсаты: оқырмандарымызды кітап оқуға деген қызығушылықтарын қалыптастыру, кітап оқуға ынтасын арттыру, көпшілік алдында өз ойын еркін жеткізуге тіл байлығын арттыруға үйрету.

Подробнее ...

Өзің оқығанды досыңа ұсын!

Жалағаш аудандық балалар кітапханасында "Өзің оқығанды досыңа ұсын!" буккроссинг акциясы өтті.

Акцияның мақсаты түрлі жастағы оқырмандарды кітап оқуға шақыру, үйдегі оқыған кітаптарын алмастыру. Кітаптың оқылуына ықпал жасау.

Кітапханашылар акция туралы түсіндіріп, адам мен кітап арасын жақындататын, кітап оқуға шақыратын қоғамдық қозғалыстың бірі екенін айтып өтті. Буккроссингтің ережесі бойынша оқырмандар әкелген кітаптарын өзара алмасты.