Тілешов Е

     Қайнар:Мақалалар, сұхбаттар.-Алматы:ЖК Айдаргазин Е.-2016.-376 б.

       Жинаққа автордың әр жылдары жазылған мақалалары және сұхбаттары енгізілді. Кітапқа енген еңбектер тіл, әдебиет және Алаш қозғалысы тақырыптарын қамтиды.

       Кітап ұлт руханияты қызықтыратын оқырман қауымға арналады.

Төлепберген Б.

     Қасиеттім-желтоқсан.-Алматы:Керемет медиа.-2016.-320 б.

     Публицистикалық кітабында 1986 жылғы Алматы қаласындағы Желтоқсан көтерілісінің шығу себеп-салдары мен оқиғаның өрбу барысын қамтуды көздеген. Автордың бұл тиянақты еңбегі – қаһармандық күрестің шынайы бейнесі мен толық ақиқатын ашудағы сауапты да қажырлы талпынысы. Игілікті істің мәуелі жемісі.

Қазақ хандары: танымдық жинақ./Құраст.Талас Омарбеков.-Алматы:Айғаным.-2016.-148 б.

        Белгілі тарихшы-ғалым Т.Омарбековтің бұл жинағына қазақ хандары туралы зерттеулері мен баспасөз бетінде жарық көрген еңбектері енді. Автор еңбекті құрастыру барысында мейлінше нақты, құнды тарихи деректерге сүйенген. Бұл кітаптың қалың оқырман қауым үшін құндылығы жоғары болары сөзсіз.

Қазақ би-шешендері: танымдық жинақ./Құраст.Серікқазы Қорабай.-Алматы:Айғаным.-2016.-204 б.

      Бұл жинақта қазақ тарихында ерекше орын алатын бірқатар би-шешендер туралы қысқа-қайырым мәліметтер қамтылған. Аталы сөзге тоқтаған халқымыздың от ауызды, орақ тілді дүлдүлдері, әрине, мұнымен шектелмейді. Толымды тарихымызды түгелдеу-үздіксіз жүргізілетін қасиетті міндет.

Қазақ батырлары: танымдық жинақ. /Құраст.Серікқазы Қорабай.-Алматы:Айғаным.-2016.-148 б.

      Бұл жинақта туған жерімізді, бостандығымызды, азаттығымызды ақ білектің күшімен, ақ найзаның ұшымен қорғаған белгілі батырларымыздың ерен ерліктері баяндалады. Кітаптың ұлт рухын көтерудегі, жас ұрпақты отансүйгіштікке баулудағы маңызы ерекше.

Жұртбай Тұрсын.

     Біртұтас алаш идеясы:толғаныстар.-Алматы:Хантәңірі.-2016.-380 б.

       Қазақстан Педагогика ғылымдары академиясының академигі, филология ғылымдарының докторы, профессор Т.Жұртбай «Біртұтас алаш идеясы» атты бұл жинағына – ұлттық тәуелсіздік пен тәуелсіз бас бостандығы, тәуелсіз жан бостандығы сияқты шетін де киелі мәселелер арқылы Біртұтас алаш идеясының қалыптасуы мен даму жолын пайымдаған және сол қасиетті аңсарлы идеяның бүгінгі қоғамымыздан алуға тиісті орны туралы толғамдары топтастырылған.