Аудандық кітапхананың ұйымдастыруымен Жастар жылына байланысты, жастарға қолдау көрсету мақсатында «Жырла менін жас жүрегім» атты аудандық жас ақындардың жыр мүшәйрасы өткізілді. Шараға аудан орталығындағы мектеп оқушылары және аудандық индустриалды- аграрлық колледжінің студенттері қатысты. Жас ақындарымыздың өнерін бағалау әрі марапаттау әділқазылар алқасымен анықталып: Бас жүлдені Ш.Ермағанбетова атындағы №246 орта мектептің 8 сынып оқушысы Қайрат Ұлжан алса, І жүлделі орынды №201 мектеп-лицейдің 9 сынып оқушысы Өмірзақ Дидар, ІІ жүлделі орынды №31мектеп-гимназияның 10 сынып оқушысы Айтбай Дамир, ІІІ жүлделі орынды З.Жарқынбаев атындағы №202 орта мектептің 9 сынып оқушысы Жақсылық Ернаттар жеңіп алды. Жеңімпаздар мен қатысушыларға сый-сияпаттар мен алғыс хаттар берілді.