Бердәулетов Әбдірәшит (1898, қазіргі Шәменов а. – 1937)- қоғам қай-раткері, ағартушы мұғалім, қаламгер. Алматы қаласындағы коммунистік жоғарғы партия мектебін оқып бітірген (1934). Жиырмасыншы жылдарда аудан көлеміндегі мектептерде бала оқытқан. Аудандық, облыстық партия комитетінде жауапты қызметтер атқарған. Көкшетауда газет редакторы, 1934 жылы «Қызыл Түркістан» ауданаралық газетінде бас редакторы және Түркістан аудандық партия комитетінің мүшесі болған. 1937 жылы қараша айында сталиндік репрессия құрбаны болып ұсталып, сөйтіп хабарсыз кеткен. Отыз жылдан кейін Ә.Бердәулетов толық ақталып, партиялылығы қалпына келтірілген. Ә.Бердәулетов есімімен оның туған жері Шәменов ауылындағы №34 орта мектеп аталады. Қызылорда қаласында Ә. Бердәулетов атындағы көше бар.