Ниязбек Р.

         Шығармалар жинағы: Өлеңдер / Р.Ниязбек.- Алматы: Қазақпарат, 2014- Т.3.- 380 бет.

         Ақынның бұл томында тәуелсіз мемлекетіміздің мерейі, егемен еліміздің сән-салтанаты, елдік пен ерлік қасиеті, заман келбеті, уақыт тынысы, адамдар арасындағы қарым-қатынас шынайы суреттелген.

Маулина Н.

         Ұршық.- Алматы: Хан Тәңірі, 2014.- 190 бет.

         Жас таланттың тұңғыш жыр жинағында, бала күнінен-ақ өлең-жырға ғашық боп өскен іңкәр жүрек қолы қалт еткенде көңіліндегі көрікті ойды қағазға түсіріп, әдебиет әлемінде өзінің ізін қалдыруға ұмтылғаны туралы жазылған.

Хасен М.

         Мазасыз күндер: аудармалар / Хасен М.- Алматы: ХанТәңірі,

2014.- 380 бет.

         Аудармашы Марал Хасеннің бұл жинағына әр түрлі жанрдағы мақалалары, әңгімелері және әлем әдебиеті өкілдерінің таңдамалы шығармаларының аудармалары еніп отыр.

Оңғарбай Рза.

         Рубаилар. /Р.Оңғарбай.- Алматы: Хантәңірі, 2014.- 286 бет.

         Қаламгер Р.Оңғарбайдың бұл жинағына төрттаған (рубаилар) түріндегі өлеңдері, өмір, туған жер, адамгершілік тақырыбындағы философиялық ой-тұжырымдарға, сырлы сезімдерге толы туындылары еніп отыр.

Абыз Б.

         Уақыттың алуан түсі. /Б.Абыз. Алматы: Хантәңірі, 2014.- 390 бет.

         Ақынның бұл поэтикалық топтамасында әсем табиғаттың хас суреттері, ел мен жер, махаббат пен мезгіл, өмір мен өлең жайлы философиялық мазмұндағы толғамдары шебер де шынайы бейнеленген.

К.Қазыбаев, Ж.Әлиханұлы (Аупбаев)

         Рахымжан Қошқарбаев./К.Қазыбеков, Ж.Әлиханұлы (Аупбаев).- Алматы: ЖШС «Қазақстан» баспа үйі, 2014.- 264 бет+ 16 бет фотосуреттер.

         Рахымжан Қошқарбаев-жау ұясы Берлиндегі Рейхстагқа жеңіс жалауын алғаш тіккен жан. Кейінгі өмір жолында да бойына адалдықтың асыл қасиеттерін жинақтап, соны ардақтап өткен адам. Бұл кітапта осы және басқада оқиғалар кешегі, бүгінгі күн рухымен үндестіріле отырып шебер әңгімеленеді.