Аудандық балалар кітапханасының ұйымдастыруымен "Кітап оқитын бала оқитын қоғам құрады" тақырыбымен аудандық семинар-тренинг өткізілді.

Семинар мақсаты: балалардың кітап оқу деңгейін жоғарылату, кітапханашылардың біліктілігін арттыру, заманауи әдіс-тәсілдерді кітапхана шарасына пайдалану. Кітапханашылардың өзара тәжірибе алмаса отырып, кітапхананың стратегиясын анықтау.

Семинар BOOK CAFE түрінде өткізілді.

1. "Keyword Hexagon" тәсілі арқылы кітап оқу"

Г.Әлиасқарова

2. "Заманауи әдістің бірі - "Book Bingo"

Ж.Искакова

3. "Көлеңкелі мәтіндер"

М.Шонықбаева

Осы тақырыптар бойынша шаралар таныстырылды.

Сергіту тренингтеріне "Мюнстерберг" әдістемесі, "Тәтті сұрақ", "Өрмекшінің торы" әдістері қолданылды.

Қазақ балалар әдебиетінің көтерер жүгінің ауыр салмағын көтерген "2021-Балалар әдебиетінің жылы" ойлаған мақсат- мүддемізге жеткізіп, сәтті өтсін деген тілекпен қорытындылады.

Қазақстан Республикасының Тәуелсіздігіне 30 жыл толуына орай және балалар мен жасөспірімдердің арасында кітап оқу белсенділігін арттыру, отбасылық кітап оқудың дәстүрлерін қолдау аясында, балалар кітапханасының ұйымдастыруымен «Оқырман отбасы» тақырыбымен отбасылық сайыс өткізілді.

Шараға кітапхананың белсенді оқырман отбасыларының мәдени оқу дағдысы қалыптасқан, отбасылық оқу тәжірибесі бар, балаларға арналған көркем әдебиеттерді жетік біліп, насихаттай алатын 4 оқырман отбасы қатысты.

Сайыс «Тегін білу тектілік», «Өнерлі өрге жүзер», «Ептілік пен шымырлық», «Білгенім бір тоғыз»,және «Бала арманы» кезеңдері бойынша өткізілді. Жалағаш аудандық балалар кітапханасының меңгерушісі Г.Әлиасқарова қатысушыларды әр түрлі номинация бойынша дипломмен және арнайы сыйлықтармен марапаттады: «Мерейлі отбасы» - Бақбергеновтер отбасы, «Дарынды отбасы» - Ерғалиевтер отбасы, «Ұлағатты отбасы» -Жүгінісовтер және «Өнерлі отбасы» - Бекберген отбасы.

Барлық отбасы сайысқа белсене қатысып, дайындықтары жоғары деңгейде екенін көрсете білді.