Аудандық кітапхананың ұйымдастыруымен " Бір ел — бір кітап " акциясы аясында ҚР Тәуелсіздігінің 30 жылдығына орай 30 кітапты оқырман қауымға насихаттау мақсатында поэзия жанры бойынша, қазақтың белгілі ақыны, ҚР Мемлекеттік сыйлығының лауреаты Ұлықбек Есдәулеттің шығармашылығынан "Өлең сөздің жарық жұлдызы" атты поэзиялық батл өткізілді.

                Аудандық кітапханада ҚР Тәуелсіздігінің 30 жылдығына орай, болашағымызға бағдар ететін, мәңгілік мұраттарға қол жеткізудің құндылықтарын насихаттау мақсатында "Тәуелсіздік- жастар жүрегінде" атты пікір- алмасу кеші ұйымдастырылды. Тәуелсіздік - тәңірдің біздің ұрпаққа берген үлкен бақыты, халқымыздың мәңгілік құндылықтары деген пікірмен ой бөлісіп, тақырып аясында өлеңдер оқылды.

Аудандық кітапханада ҚР Тәуелсіздігінің 30 жылдығына байланысты, ата - бабамыздың тәуелсіздік жолындағы ерлігін үлгі ету, Тәуелсіз еліміздің тарихын жеткен жетістіктермен қатар қарқынды дамуын насихаттау мақсатында "Бірлік пен ынтымақ, татулық пен тұтастық -Тәуелсіздік тірегі" тақырыбында кең көлемді кітап көрмесі ұйымдастырылды.Кітап көрмесі қазақ елінің дербес, тәуелсіз ел болу жолында еркіндік пен бақытты өмір сүру үшін жүргізген толассыз, тынымсыз күрестерінің сан ғасырлық тарихынан сыр шертетін әдебиеттермен толықтырылды.

     16-Желтоқсан - еліміздің егемендігін жарияланған күн. Сол күні көгімізде тәуелсіздік туы желбіреді. Ата-бабаларымыз армандаған Тәуелсіздік — біздің құндылығымыз. Оның маңызын сараптап, қадірлей білу біздің ұлттық парызымыз. Осы мақсатта аудандық кітапхананың COWORKING орталығында "Тәуелсіздік-мәңгі мұратымыз" атты тақырыптық кеші болып өтті. Кешке кент орталығындағы мектеп оқушылары өз арнауларын оқып, әннен шашу шашты.

Таң ауылдық мобильдік кітапханасында COWORKING орталығы ашылды.

Елбасымыздың «Болашаққа бағдар: рухани жаңғыру» бағдарламалық мақаласы аясында өңірдегі ауылдарда коворкинг орталықтары ашылуда.

Кітапханалардағы коворкинг орталықтарының ашылуы – оқырмандар үшін жақсы жаңалық. Яғни демалыс орнына айналады. Коворкинг орталықтарының ашылуы – кітапхананың қызмет көрсету деңгейін еуропалық тәжірибеге негіздеу мақсатында қолға алынуда. Осы орайда Мәдениет ауылдық кітапханасының жанынан аудан әкімі Қайратбек Сәрсенбаевтың қатысуымен COWORKING орталығының ашылу рәсімі өтті.

Жалағаш аудандық орталықтандырылған кітапханалар жүйесі бойынша 2019 жылдың 9 шілде күні Аққұм ауылдық кітапханасы жанынан «COWORKING» орталығы ашылды.Қазақстан Республикасы Тұңғыш Президентінің «Болашаққа бағдар: рухани жаңғыру» бағдарламасының негізгі бағыттарының бірі – халықтың білімге деген құштарлығын арттыру мақсатында еліміздегі кітапханалардың қызметін жаңғыртып, оларды жаңа заманғы сай «COWORKING» орталығы ретінде қайта құру жобасын қолға алған болатын.