Тәуелсіздік - ең басты құндылығымыз. Халқымыздың ғасырлар бойғы арманы болған тәуелсіздік, егемендік ұстанымдарын биікке көтерген құндылық біздің қасиетті тұмарымыз. Отанымыздың әрбір азаматы үшін қастерлі құндылық.

Тәуелсіздіктің туын көтерген күн әйгілі 1986 жылдың 16 желтоқсаны еді.

Қайраттай қайсар жастардың қанымен, Ләззаттай албырт арулардың нәзік үнімен, боздағын жоқтаған ананың зарымен, ұландарына ақ тілекті бабалардың батасымен келген күннің құдіретін ұғыну мен Ербол, Сәбира сынды қыршын жастардың рухына бас ию мақсатында балалар кітапханасының ұйымдастыруымен "Желтоқсан оқиғасы -Тәуелсіздік бастауы" тақырыбымен әдеби кеш өткізілді.

ҚР Тәуелсіздігіне 30 жыл.

Аудандық кітапхананың ұйымдастыруымен жастарды сөз маржандары арқылы Отансүйгіштікке ,имандылыққа ,білімді , өнерлі болуға ,тіліміздің мәртебесін көтеру мақсатында "Өлең -сөз маржаны "атты онлайн оқуларын назарларыңызға ұсынамыз.

ҚР Тәуелсіздігіне 30 жыл

"Парасатты жол" орталығы аясында, аудандық кітапхананың ұйымдастыруымен жастарды білімге бағыттыу, рухани-мәдени құндылықтарға, еңбексүйгіштікке, жауапкершілікке, патриотизмге тәрбиелеу мақсатында "Болашақтың мақтанышы — жастар" атты виртуалды шолуды ұсынады.

"Ұрпағы білімді халықтың болашағы бұлыңғыр болмайды" дегендей, жас ұрпаққа мән— мағыналы, өнегелі тәрбие мен білім беру — бүгінгі күннің басты талабы, Қайсар рух пен қара күшті қару етіп, еркіндік үшін күрескен бабалармыздың ерлік жолындағы күресі бүгінгі таңда айбыны аспан тіреген тәуелсіздік тұғырын биіктетті. Қазіргі таңда жаңа көзқараспен қарайтын жалынды жастар еліміздің жаңару үдерістеріне белсене қатысып келеді. Алысқа қол сермеп, әлемдік деңгейдегі ұстанымды игеріп, келешектің кілтін өз қолдарына алуда.

ҚР Тәуелсіздігіне 30 жыл.

"Парасат жолы" орталығы аясында аудандық кітапханада жастардың саяси саналығы мен таным белсенділігін арттыру, Заңдарды талдай отырып, өз беттерімен салыстыра білуге, өмірде қолдана білуге, ойлау қабілетін дамыту мақсатында "Сыбайлас жемқорлыққа қарсы күрес - парызымыз" атты полиция қызметкерлерімен дөңгелек үстел  өткізілді. Адамгершілік, ізгі қасиеттер мен ар - ождан бостандығына, адалдық пен мейірімділікке баулу арқылы құқықтық тәрбие беру, басты назарда болып табылады.

ҚР Тәуелсіздіктің 30 жылдығына орай аудандық кітапхананың ұйымдастыруымен Сарыарқа төріндегі көрікті Астанамызды насихаттау мақсатында,6шілде-Астана күніне орай ``Шабыт шыңындағы Астана``атты онлайн эссе байқау ұйымдастырылып,нәтижесінде өз үлесін қосып атсалысқаны үшін

І орынды-Мырзабай ахун ауылынан Қуаныш Ақторғын.ІІ орын -М.Шәменов ауылы Тұрсынбай Ақбота.ІІІорынды-Есет батыр ауылы Әбдімәлік Ақбаян мен Еңбек ауылы Қасымхан Мөлдір марапатқа ие болды.

ҚР Тәуелсіздігінің 30 жылдығына орай, аудандық кітапхананың ұйымдастыруымен қоғам қайраткері және еңбек ардагері Мөрәлі Шәменовтың - 105 жылдығына орай  "Өнегелі өмір иесі" атты  көрме қойылды. Көрмеге баласы Атамұрат Шәменовтің "Мөрәлі" Әкетану кітабы және аудандық музейдің сөресіне қойылған тарихи жәдігерлер ұсынылды.

ҚР Тәуелсіздігінің 30 жылдығына орай, "" жобасы аясында, жастардың уақыттарын ұтымды пайдалану мақсатында, аудандық кітапхана қызметкерлері орталық алаңда демалушы аудан тұрғындарына кітап насихаттау жұмысының осы "Мобильді кітапхана" қызметін ұсынды. Бұл интернет желісіне қосыла отырып ұялы телефон арқылы "куэр кодын" басып алып кез келген қажетті кітапты ыңғайлы уақытта оқуға мүмкіндік береді.