Ашықбаев Ертай

         Өлең мен өмір: Әдеби мақалалар.- Алматы: «Каратау КБ» ЖШС; «Дәстүр», 2015-240 бет.

         Белгілі ақын Ертай Ашықбаевтың әдеби мақалалары топтастырылған бұл кітап- әдебиетімізге олжа салған әр буын ақындарының әрқилы қолтаңбаларының ерекшеліктері һәм бүгінгі қазақ поэзиясы туралы жаңаша толғамдар, байыпты байламдар.

Амантай Дидар

         Махамбет философиясы: проза, философия, эсселер, өлеңдер, рецензиялар, сұқбаттар /Бес томдық шығармалар жинағы/ 2 том. Дидар Амантай.-Алматы, 2014-604 бет.

         Қазақтың көрнекті жазушысы, проза шебері әрі кинодраматург Дидар Амантай ел назарына ұсынып отырған бұл кітабына өзектес, сабақтас, тақырыптас шығармаларын енгізіп отыр. Автор кез келген туындысында қаһарман мінез-құлқын қимыл-әрекеті, пәлсапалық ойы және диалогтары арқылы жан-жақты ашып суреттеген.

Жандыбаев Ғ.

         Ақсүйек-арман пырақ. Ән-өлеңдер, аудармалар. /Ғ.Жандыбаев.-Алматы: «Ана тілі» баспасы ЖШС, 2015.-384 бет.

         Ғұсман Жандыбаев көптеген жыр жинақтарының авторы.

Кітапқа белгілі ақынның ән-өлеңдері, орыс, неміс, беларусь, түркі тілдес өзбек, қырғыз, ұйғыр, татар, түркімен, қарашай ақындарының жырларынан тәржімалаған аудармалары енді.

Ібітан Еркін

         Шығармалары. 1-том. Өлеңдер, поэмалар, толғаулар /Еркін Ібітан.-Алматы: «Айғаным» баспа үйі, 2015-342 бет.

       Қазақстың белгілі ақыны Еркін Ібітанның бұл таңдамалы жыр жинағы соңғы жылдары жазған поэмалары мен өлеңдерінен тұрады. Өмірдің қалтарыс-бұлтарысын шынайы күйінде жеткізу-ақындық шеберліктің, таудың мөлдір бұлағындай тазалықтың айғағы. Хантәңірідей ғажайып табиғат аясынан шыққан ақын жүрегі тек сұлулықпен ғана үндесіп, жыр сүйер қауымды тәнті ете түседі.

Ниязбек Рафаэль

         Шығармалары: Өлеңдер/ Рафаэль Ниязбек.-Алматы: «ҚАЗақпарат», Т.6-2015.-380 бет

         Қазақстанның еңбек сіңірген қайраткері, Халықаралық «Алаш» әдеби сыйлығының лауреаты, Шешенстан Мемлекеттік сыйлығының және Ресейдің Сергей Есенин алтын медалінің иегері, көрнекті ақын Рафаэль Ниязбектің алтыншы томында дауылпаз ақын Махамбеттің қилы тағдыры, ол ғұмыр кешкен аумалы-төкпелі уақыттың улы зардабы, сабылған ердің шерменде өмірі өрелі де шынайы суретелген.

Ниязбек Рафаэль

         Шығармалары: Өлеңдер/ Рафаэль Ниязбек.-Алматы: «ҚАЗақпарат», Т.5-2015.-380 бет

         Қазақстанның еңбек сіңірген қайраткері, Халықаралық «Алаш» әдеби сыйлығының лауреаты, Шешенстан Мемлекеттік сыйлығының және Ресейдің Сергей Есенин алтын медалінің иегері, көрнекті ақын Рафаэль Ниязбектің бесінші бұл томдығына енген өлеңдерінде Елбасының саясаты, дара келбеті, жаратылыс-болмысы биік өреде жырланып, жарқырап ажарлы көрінеді. Туған елдің тұрлаулы тағдыры, бүгінгі тыныс-тіршілігі, болашаққа жол тартқан көрікті көшінің сән-салтанаты да көркем тілмен шебер суреттелген.