Даумов С.

     «Соңғы парыз»:естеліктер.-Алматы.-2016.-286 б.

       Қазақ журналистикасы мен әдебиетінде өзіндік орны бар табиғатынан ерен жаратылған қаламгер С.Даумовтың бұл жинағы өмірлік қосағы Ғаббасова Асылғаным мен перзенттері Нұрлан, Өркен және Алмастың құрастыруымен шығып отыр. Кітап жазушының жарияланбаған дүниелері мен көзкөргендердің естеліктерінен, сондай-ақ қаламгердің мерейтойларында айтылған лебіздерден тұрады.

Байбақұлы О.

   Желқайық:Өлеңдер.-Алматы:Айғаным.-2016.-190 б.

     Ақын О.Байбақұлының бұл жинағына азаматтық, әуенге толы адамгершілік, парасат, адалдық, өткен мен бүгіннің сабақтастығы жайлы шынайы да сыршыл, автордың өр мінезін аңғартатын өлең – жырлары еніп отыр.

Әлімбаев М.

   Шығармалар жинағы.-Алматы:Өлке.-2014.-256 б.

       ҚР Мемлекеттік сыйлығының иегері М.Әлімбаевтың бұл кітабына баланың ой-өрісін өрістетіп, қабілет-қарымын қалыптастыратын өлеңдер мен тақпақтар, нақыл сөздер, жұмбақтар, жаңылтпаштар, ертегілер, мысалдар еніп отыр.

Аманжолов Қ.

     Шығармалар жинағы.-Алматы:Өлке.-2013.-288 б.

       Қасым ақын жырлары адам бойына терең ой, тәтті сезім, асқақ арман, толассыз күш жігер дарытады.

Орда Г.

       Сөз құдіреті:Зерттеулер мен мақалалар.-Алматы:Дәстүр.-2016.-384 б.

       Кітапқа автордың соңғы жылдары жазған зерттеулері мен мақалалары топтастырылған. Бірінші бөлімдегі зерттеулер тәуелсіздік тұсында жазылған шығармаларда қаламгерлердің негізінен тарихымызды түгендеуге бет бұруын танытса, екінші бөлімдегі шығармашылық портреттер бүгінгі қазақ әдебиетінің қол жеткізген жетістіктерін жекелеген қаламгерлердің шығармалары арқылы саралайды.

Әбдіқұлова Р.М.

Жанр және шығарма: Зерттеулер, әңгімелер.-Алматы:Дәстүр.-2016.-288 б.

       Бұл кітапқа жанр тарихының көне бастауларына шолу жасалады. Кітап зерттеушілер мен маманларға, көпшілік оқырманға арналады