Жалағаш аудандық орталықтандырылған кітапханалар жүйесінің ресми сайты

Есет батыр ауылдық кітапхана мен мәдениет Үйі бірігіп “Бала қиялы - шексіз әлем’ атты сурет байқауын өткізді. Сурет байқауының негізгі мақсаты – қатысушылардың шығармашылық қабілетін дамыту және өнерге деген қызығушылығын арттырып, қиял мен ойлау қабілетін жетілдіру: белгілі бір тақырыптар арқылы ұлттық құндылықтарды насихаттау.

Нәтижесінде:
Ғабитқызы Кәусар 1-орын,
Мұхамбетқали Аделя,
Әбдімәлік Алина 2 - орын,
Әбдіқайыр Айару,
Кенжетай Еркеназ 3-орынға ие болып арнайы дипломдар мен сыйлықтар берілді.

Таң ауылдық кітапханасында ауған соғысының аяқталғанына 37 жыл толуына орай "Отты жылдар естелігі" атты Тәжік-Ауған шекарасында қызмет еткен жауынгерлермен кездесу кеші өткізілді. Ерлік пен елдік рухы тоғысқан шараға Тәжік-ауған шекарасында болған жауынгерлер Әділжан Ташенов, Нұрлыбек Оспанов қатысты.Кездесудің басты мақсаты – ел шекарасын қорғауда табандылық танытқан азаматтардың ерлігін дәріптеп, жас ұрпақтың бойына отансүйгіштік қасиет қалыптастыру.Шара барысында кеш қонақтары әскери қызметтегі естеліктерімен бөлісіп, қиындық пен жауапкершілікке толы күндер туралы әңгімеледі. Олар ел тыныштығының оңайлықпен келмейтінін, әр сарбаздың батылдығы мен бірлігінің арқасында қауіптің алдын алғандарын ерекше атап өтті.Жастар арасынан қойылған сұрақтарға жауап беріліп, өмірлік тәжірибелерімен бөлісті.

Қазақ поэзиясының көрнекті өкілі, ақын Мұқағали Мақатаевтың туғанына 95 жыл толуына орай аудандық кітапханада "Әр өлеңі — бір әлем" атты лирикалық кеш ұйымдастырылды. Іс-шара барысында ақынның өмір жолы мен шығармашылығы таныстырылып, сыршыл өлеңдері мәнерлеп оқылды. Сондай-ақ Мұқағали поэзиясының тәрбиелік мәні мен көркемдік ерекшелігі сөз болды. Лирикалық кеш қатысушыларға рухани әсер сыйлап, оқырмандардың поэзияға деген қызығушылығын арттырды.

Есет батыр ауылдық кітапханада мәдениет Үйімен бірлесіп ауылымыздың ардагерлер кеңесінің төрағасы Ә.Әйтімовпен "Елдің құты-еңбек ардагері" аттты сыр сұхбат өткізілді. Мақсаты: Ардагерлер жолын оқушыларға үлгі ету. Олардың әңгімесінің мәнін ұғына білуді, үлкендерді сыйлауды, құрметтеуді, атаның батасын, ананың алғысын ала білуді үйрету. Іс-шараға ауыл ақсақалдары, мектеп оқушылары қатысты.

Таңдаулы 100 кітапты насихаттау мақсатында, жас оқырмандарды әдебиетке деген қызығушылықтарын арттыру және қазақ әдебиетінің маңызды шығармаларын таныстыру үшін Еңбек ауылдық кітапханасының ұйымдастыруымен Мардан Байділдаев атындағы №232 мектептің 5-ші және 6-шы сынып оқушылары қатысқан «Жүз кітап – жүз қазына» атты әдеби круиз өткізілді.

Іс-шара барысында оқушылар екі топқа бөлініп, әдеби шығармалар бойынша сұрақтарға жауап берді.

1-топ — Абай мұрагерлері

2-топ — Қазақ рухы