М. Шәменов ауылдық кітапхананың ұйымдастыруымен “Бір ел - бір кітап акциясы” аясында «Сұлу сөз, көркем ойдың кемеңгері» атты дөңгелек үстел болып өтті. Шараның мақсаты: Қазақ әдебиетінің көрнекті өкілі, Қазақстанның халық жазушысы, Мемлекеттік сыйлықтың лауреаты Қабдеш Жұмаділовтің өмірі мен шығармашылық мұрасын кеңінен насихаттау. Жазушының ұлттық әдебиетке қосқан үлесін таныту, шығармалары арқылы оқырмандардың тарихи танымын кеңейту, елдік пен ұлттық құндылықтарды дәріптеу, кітап оқуға деген қызығушылығын арттыру. Дөңгелек үстелде «Тағдыр» романына ерекше назар аударылады. Роман тарихи отанынан тыс қалған қазақтардың тағдырын, ұлттық бірлік пен елдік мәселесін көркем түрде бейнелейді. Бұл шығарма 1990 жылы Абай атындағы Қазақ КСР Мемлекеттік сыйлығына ие болған.

Жас таланттардың шығармашылығын қолдау, оқырмандармен тығыз байланыс орнату және әдебиетке қызығушылықты арттыру мақсатында «Өрелі өлең, әсем ән»  айдарымен жас ақын, журналист, Түркі әлемі Жазушылар одағының мүшесі Қазмағанбетова Ләззат Сағынтайқызымен кездесу өткізілді. Аудандық «Жалағаш жаршысы» газетінде тілші болып қызмет атқарып жүрген қаламгер өз жырларын оқырмандарымен бөлісті. Шара соңында қаламгермен естелік суретіне түсіп, ақынға сый жасалды.

5 қыркүйек – Қазақстан халқы тілдері күніне орай Жалағаш аудандық мәдениет және тілдерді дамыту бөлімі және аудандық кітапхананың ұйымдастыруымен Руханият орталығынының қызметкерлері арасында «Ой-сана» интеллектуалды сайысы өткізілді.

Сайыстың басты мақсаты Руханият орталығында қызмет атқаратын 7 мекеме мамандарының арасында ауызбіршілікті нығайту, достық қарым-қатынасты арттыру, білім мен тапқырлықты ұштастыру, сондай-ақ командалық рухты қалыптастыру.

Қазақтың ұлттық мәдениетінің ең байырғы, аса құнды салаларының бірі - қолөнері болып табылады. Бүгінгі ұрпақ өзінің ұлттық сезімдерін, өнерін жоғалтпауы қажет. Өнер адамға жақсы әсер ететін және оны тәрбиелейтін нәзік дүние. Оның құндылығы орасан зор. Фестиваль аясында ұлттық мұрамызды насихаттау мақсатымен «Қолөнер – ұлттық мұра» атты шеберлік павильонынында аудан тұрғыны, қолөнерші Бакесова Гүльнараның  туындыларынан шеберлік сағаты өткізілді.

«Библио Art» жобасы аясында аудандық кітапханада «Өнерлінің қолы алтын» атты тоқыма тоқудан шеберлік сағаты өтті.Шара барысында қатысушылар тоқыма тоқудың қыр-сырымен танысып, қолөнердің қадамдарын тәжірибе жүзінде меңгерді. Әрбір қатысушы өз шығармашылығын шыңдап, ұлттық қолөнерге деген қызығушылығын арттырды.Қолөнер – ұрпақтан-ұрпаққа жалғасқан асыл мұра. Осындай шеберлік сағаттары арқылы ұлттық өнеріміз дәріптеліп, қатысушылардың шығармашылық қабілеттері дамиды.