13 қараша күні З. Жарқынбаев атындағы № 202 мектеп- лицейінің кітапханасында № 2 филиал кітапханасының ұйымдастыруымен Еңбек Ері Нартай Көкиевтің туғанына 125 жыл толуына орай "Еңбек- ырыстың қазығы" атты 7 сынып оқушыларының арасында дөңгелек үстел өткізілді.

Жаңадария ауылдық №14 филиал кітапханасының ұйымдастыруымен Ақын Дәулетбек Байдрахманұлының туғанына 80 жыл толуына арналған «Өлеңмен өрілген өмір» атты әдеби кеш өтті.
Шараға №203 орта мектептің 7- сынып оқушылары қатысты, оқушылар Ақын Дәулетбек Байдрахманұлының Туған жер, Ана сүті, Аналар өмір шуағы, Бесік жыры, Алға Қазақстан атты өлеңдерін оқыды. Ақынның әр өлеңі – оның өмірі, тағдыры, халқына деген махаббаты.

Аудандық кітапханада «Нашақорлық – қоғам дерті» атты ішкі істер бөлімінің қызметкері Ахметова Ұлбосынмен сұхбат өткізілді. Сұхбат барысында нашақорлықтың адам өміріне, денсаулығына және қоғамға тигізетін зиянды әсері туралы түсіндіріліп, қатысушылар құқық қорғау қызметкерінен маңызды ақпараттар  алып, заң талаптарын сақтау және салауатты өмір салтын ұстану жөнінде ой бөлісіп, түрлі сұрақтарға жауап алды

Қызылорда облыстық мәдениет, архивтер және құжаттама басқармасы осы жылдың қыркүйек, қазан, қараша айларында “Үздік оқырман - 2026” облыстық байқауын ұйымдастыруда.
4 қараша күні Руханият орталығындағы аудандық кітапханада облыстық "Үздік оқырман-2026" байқауының 2-ші кезеңі қорытындыланды. 2-ші кезеңге аудан бойынша барлығы 72 адам тіркелген. Тестілеу нәтижесі бойынша ауызша сұрақ-жауапқа 23 үміткер іріктелді.

Жалағаш ауданындағы «Руханият» орталығында мәдениет саласының ардагері Айшықхан Шоңбаевтың құрметіне арналған «Өнегелі өмір» атты кітаптың таныстырылым кеші өтті.
Рухани тағылымға толы кештің мақсаты – саналы ғұмырын мәдениет пен өнер саласына арнап, туған жердің рухани дамуына үлес қосқан ардақты азаматтың өмір жолын кейінгі ұрпаққа өнеге ету, есімін ұлықтап, еңбегін насихаттау.
Кеш барысында Айшықхан Шоңбаевтың өмірі мен еңбек жолынан сыр шертетін бейнеролик көрсетіліп, тағылымды естеліктер айтылды. Аудандық қоғамдық даму бөлімінің басшысы Жасұлан Ерданұлы сөз сөйлеп, ардагердің елге сіңірген еңбегіне тоқталды.